Kultura
Kosova në fokus të Festivalit të filmit rinor në Cyrih
"Për vitin 2017 në "Fokus Program" të festivalit do të jetë Kosova. Në fakt do të jetë festivali “DokuFest” i Prizrenit ai që do të sjellë përshëndetjet filmike dhe mysafirët nga Kosova”
Festivali zviceran i filmit të të rinjve, këtë vit mbahet nga 15 deri më 19 mars. Në kuadër të veprimtarive të tij kompleks, ky festival, duke filluar nga viti 2013 ka vendosur edhe fokus-programet ku prezantohen filma të punuar nga të rinjtë e vendeve të caktuara jashtë Zvicrës. Për vitin 2017 në këtë program do të jetë Kosova. Në fakt do të jetë festivali “DokuFest” i Prizrenit ai që do të sjellë përshëndetjet filmike dhe mysafirët nga Kosova”, thuhet në njoftimin për albinfo.ch nga stafi i festivalit.
“Eroll Bilibani, drejtor i DokuFestit ka përpiluar enkas për festivalin e filmit për të rinj dy programe të përbërë nga filma të shkurtë. Programi i parë tregon punimet e lindura në njërën nga shumë punëtoritë (workshopet) me të rinjtë që DokuFesti i organizon për çdo vit. Ndërsa programi i dytë përfshin katër filma të realizuar nga krijues profesionistë të filmit, të cilët merren me temën e migracionit dhe të refugjatëve dhe inskenimin e tyre filmik, shkruan albinfo.ch. Janë pra këto tema që janë ngulitur tashmë në traditën humaniste të DokuFestit dhe sot janë më aktuale se kurdo.
Programet me Kosovën në fokus mbahen: Fokus Kosovo l – ACTive: E enjte, 16 mars 2017, me fillim në orën 18 në Kino Xenix; Fokus Kosovo ll – MigratiON: E premte, 17 mars 2017, me fillim në orën 18 në Kino Xenix.
Juria e festivalit “Ditët e Filmit Zviceran të të rinjve” ndan për nga një film të çdo kategorie çmimin “Springender Panther” (Pantera kërcyese) si dhe vendin e dytë dhe të tretë. Ndërsa publiku me votat e tij zgjedh filmin e tij favorit i cili shpallet edhe filmi fitues i festivalit, gjegjësisht merr çmimin e Publikut.
Me fjalë të tjera, për çdo kategori ndahen nga katër çmime:
Vendi i Parë: “Pantera kërcyese” dhe një çmim në para, me vlerë prej 1000 frangash; Vendi i Dytë, me vlerë prej 600 frangash dhe Vendi i Tretë, me vlerë prej 400 frangash. Çmimin e Publikut ose ZKB e ndan Banka Kantonale e Cyrihut (ZKB) dhe ka vlerë po ashtu prej 1000 frangash.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla