Kosova

Kosova, në kërkim edhe të 600 ushtarëve të rinj

Ministri i Mbrojtjes, Armend Mehaj, ka njoftuar se këtë vit do të hapin konkursin edhe për 600 ushtarë të rinj.

Ministri i Mbrojtjes së Kosovës ka thënë se me këtë do të rriten kapacitetet mbrojtëse.

“Në fillim kur vendosëm ta shpallnim konkursin më të madh të ushtrisë që kishim ndonjëherë, të gjthë u treguan skeptikë: nuk mundeni, nuk keni kapacitete e nuk realizohet. Rezultatet sot tregojnë realitetin. Për 11 muaj kemi rekrutuar 1240 ushtarë. Me punë e përkushtim, nuk ka asgjë të pamundur. Në mbrojtje e në shërbim të Republikës nuk ka asgjë që na ndalë”, tha ai.
“Brenda këtij viti do të hapim konkrusin edhe për 600 ushtarë të rinj, do të rrisim edhe më tutje kapacitetet tona mbrojtëse. Krahas kësaj, blerja e armatimit vazhdon të mbetet prioriteti ynë kryesor. Ushtria jonë është siguria e vendit dhe e qytetarëve tanë, është garancë për paqe dhe stabilitet të qëndrueshëm. Një falënderim të veçantë, meriton Komanda e Doktrinës dhe Stërvitjes me të gjithë instruktorët e saj, për punën e shkëlqyer, nga duart e të cilëve dalin gjenerata të reja, të arta të kombit tone”, ka shkruar Mehaj.


LAJME INTERESANTE NGA INTERNETI