Futboll

Kosovare Asllani vazhdon rrugëtimin në Milano

Futbollistja kosovare, Asllani, ka vazhduar rrugëtimin e jashtëzakonshëm. Ajo të enjten ka firmosur me klubin e njohur italian, AC Milan. Me Milanin, reprezentuesja e Suedisë ka firmosur për dy vjet, njofton albinfo.ch.

“Krenare të bashkohem me AC Milan me kontratë dyvjeçare. Super e entuziazmuar që kaloj në Itali, në Milano dhe të thërras AC Milanin shtëpinë time të re”, ka shkruar Asllani.

Edhe Milani ka prezantuar Asllanin. Ajo ka luajtur deri më tani për Real Madridin, Manchester Cityn, PSG-në, Chicagon dhe për skuadrat më të mëdha në Suedi.

Sulmuesja 32-vjeçare ka plot 160 ndeshje të luajtura për Suedinë.

https://mobile.twitter.com/KosovareAsllani/status/1542605677314588675

 


LAJME INTERESANTE NGA INTERNETI