Kosova
Kosovarët hapin sezonin turistik në Shqipëri
Përmirësimi i motit ka sjellë në qytetet bregdetare grupet e para me turistë nga Kosova. Ashtu si një vit më parë, ata që e çelin sezonin më herët janë miqtë nga qytete të ndryshme të Kosovës.
“Saranda është një ndër vendet më të bukura që ka Jugu. Ka diellin detin dhe mikpritjen e njerëzve. Këtë herë kemi sjellë 70 turistë, por herët e tjera kemi sjellë më shumë. Parashohim që të kemi më shumë vizitorë këtë vit”, thotë Blendi Kurtishaj, drejtues agjencie turistike në Kosovë, transmeton Euronews, përcjell Albinfo.ch.
Vizitorët e parë janë nga Prizreni, Suhareka, Gjakova. Një shëtitje me anije në Gjirin e Sarandës, është gjithmonë e preferuar. Ata shprehen të kënaqur me mikpritjen, shërbimin dhe bukuritë që të falë kjo zonë.
“Vijmë nga qyteti i Suharekës. Është mrekullia e botës, më vjen keq që s’e kam shfrytëzuar deri më tani, do ta vizitoj shumë shpesh”, shprehet një turist.
“Edhe unë jam nga Kosova, jemi në Sarandë. Jemi duke kaluar shumë bukur, tashmë morëm një anije për shëtitje. Janë shumë vende të bukura. Jemi dhe në rinovim të sheshit, ishte shumë bukur. Prandaj ne e duam shumë Sarandën si qytet”, thotë një tjetër turist.
Laura Mano prej disa vitesh shoqëron grupe me vizitorë nga vende të ndryshme të botës. Në këtë fillim sezoni sipas saj, ka shpresë për një rikthim drejt normalitetit pas ndërprerjes që shkaktoi pandemia në sektorin e turizmit.
“Mendoj se ky vit do të jetë shumë më i mirë se viti që lamë pas. Shpresoj që viti 2021 të ketë një bum turistësh, sidomos nga Kosova, që janë vëllezërit tanë dhe shpresoj që Saranda dhe gjithë bregu të na befasojnë këtë vit”, thotë Laura Mano, guidë turistike.
Në të gjitha zonat bregdetare të Shqipërisë pritet me shumë interes përfundimi i pandemisë për ringritjen e sektorit të turizmit. Sidoqoftë, turistët që vijnë nga Kosova parashikohet që edhe këtë vit të jenë potenciali kryesor që do të vërë në lëvizje turizmin në Shqipëri.
Të tjera nga Kosova
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Amnesty International kritikon Zvicrën Grupi ndërkombëtar për të drejtat e njeriut, Amnesty International, i cili merret me luftën në Ukrainë...
-
Bazel: Dënohet me burgim të përjetshëm shqiptari për vrasjen e dyfishtë
-
SWISS do të rifillojë fluturimet për në Tel-Aviv të premten
-
Mungesa e banesave në Cyrih dhe qiratë e larta nxisin trendin e ‘sublet’
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër