Kosovë: Afër ligji për kriptovaluta, pas gati tre vjetësh

@pixabay

Në Kosovë, para më shumë se dy vjetësh ka filluar puna në projektligjin për kriptovaluta, ndërkaq vetëm drafti po diskutohet që 1 vit.

Puna në projektligjin për kriptovaluta po shkon ngadalë, pasi sipas pushtetit që inicioi atë, kanë kontribuuar edhe ekspertë të huaj konform direktivave të Bashkimit Evropian, teksa të gjeturat e tyre bashkë me ato të grupit punues tani janë rrugës të bëhen një, siç raporton Klan Kosova, përcjell albinfo.ch.

Hapi i radhës është që drafti të shkojë për opinion në qeveri, ndërsa së fundmi nevoja për legjitimimin e tregtimit dhe mihjes së kripto-aseteve është rritur, ndërsa edhe për shoqërinë civile, vënia nën kontroll e parasë digjitale është e pashmangshme.

Legjislativi po kritikohet nga Lëvizja FOL për dinamikë të ulët të punës, ndërsa pushteti u kritikua për mosjetësimin e këtij ligji, nga opozita që e cilësuan këtë si joserioze.