Kosovë: Nis protesta kundër kryeprokurorit Lumezi

Protesta e organizuar nga Lëvizja Vetëvendosje kundër kryeprokurorit të shtetit, Aleksandër Lumezi tanimë ka filluar.

Protestuesit me pankarta në duar janë mbledhur para Prokurorisë dhe po bëjnë thirrje për drejtësi.

Policia e Kosovës ka shtuar masat e sigurisë para ndërtesës së Prokurorisë së Shtetit, aty ku po mbahet protesta e Lëvizjes Vetëvendosje, kundër Kryeprokurorit të Shtetit, Aleksandër Lumezi, shkruan mediat, përcjell albinfo.ch.

Përveç policisë, aty shihen edhe disa pjesëtarë të KFOR-it britanik, të cilët do ta monitorojnë protestën.