Lajme
Kosovë, shkatërrohen rreth 3 mijë armë të vogla
Zyrtarët nga Policia e Kosovës u bënë thirrje qytetarëve që mos të festojnë me armë nëpër dasma e ahengje, sepse çdo plumb i shkrepur lartë detyrimisht do të bie poshtë dhe potencialisht mund të jetë vdekjeprurëse
Me mbështetjen e Zyrës së Jashtme Gjermane dhe Programit për Zhvillim të Kombeve të Bashkuara (UNDP), autoritet kosovare kanë shkatërruar mbi 2382 armë të vogla dhe të lehta (AVL), përkatësisht 888 armë të shkurtra dhe 1494 armë të gjata të zjarrit si dhe mijëra pjesë të tyre. Me këtë asgjësim Kosova sot iu bashkua Ditës ndërkombëtare vjetore për shkatërrimin e armëve të vogla.
Në ceremoninë e shkatërrimit të armëve morën pjesë: zëvendësministri i Punëve të Brendshme, Valdet Hoxha, zëvendëspërfaqësuesja Rezidente e UNDP, Alessandra Roccasalvo, përfaqësuesja nga Ambasada Gjermane në Kosovë, Henriette Kötter dhe zëvendësdrejtori i Përgjithshëm i Policisë së Kosovës, Naim Rexha.
“Është një prioritet strategjik për vendet e rajonit, BE-së dhe komunitetin ndërkombëtarë, sigurimi i një pasqyre më reale sa i përket ndikimit të akumulimit të paligjshëm të armëve të vogla dhe të lehta dhe municioneve të tyre si dhe trafikimit të armëve të vogla dhe të lehta me origjinë ose transit nëpër Evropën Juglindore. Republika e Kosovës ka treguar përkushtimin e fuqishëm që të luftojë të gjitha llojet e paligjshme të trafikimit me armë”, tha zëvendës ministri Hoxha.
Ai u bëri thirrje qytetarëve që mos të festojnë me armë sepse çdo plumb i shkrepur lartë detyrimisht do të bie poshtë, gjë e cila potencialisht mund të jetë vdekjeprurëse për njerëzit.
Zëvendësdrejtori i Përgjithshëm i Policisë së Kosovës, Naim Rexha tha se Policia e Kosovës vazhdimisht punon drejt zhvillimit të kapaciteteve të saja për të pasur sa më shumë sukses në konfiskimin e armëve të jashtëligjshme dhe do të jetë e përkushtuar për të larguar këto mjete të dhunës nga duart e qytetarëve.
“Policia e Kosovës vazhdimisht ka qenë dhe do të vazhdoj të mbetet e përkushtuar në realizmin e detyrave dhe obligimeve që dalin nga Plani Strategjik Zhvillimor i Policisë ( 2016-2010 ), me qëllim të ngritjes së sigurisë publike duke bërë edhe konfiskimin e armëve që në mënyrë të paligjshme gjenden në duart e qytetarëve”-tha zëvendës Drejtori i Përgjithshëm i Policisë, Rexha.
Ndërsa zëvendëspërfaqësuesja e përhershme e UNDP-së, Alessandra Roccasalvo, tha se për një vit e gjysmë kjo është hera e tretë për të që merr pjesë në shkatërrimin e armëve, dhe se kjo është një gjë mjaft e mirë pasi që armët e paligjshme janë rrezik shumë i madh për të gjithë shoqërinë.
Ajo falënderoi Ministrinë e Punëve te Jashtme të Gjermanisë për mbështetjen e tyre bujare për projektin e UNDP-së për shkatërrimin e armëve dhe eksplozivëve që në këtë rast po e mbështetë Ministrinë e Punëve të Brendshme si dhe Policinë e Kosovës për punën e tyre në konfiskimin e armëve të paligjshme.
Ngjarja e shkatërrimit të armëve do të përdoret edhe për lansimin e fushatës “Festo me zemër, dhe jo me armë” për zvogëlimin apo parandalimin e zjarrit festiv, që është një bashkëpunim me UNDP-SEESAC e që mbështetet nga Bashkimi Evropian.
Armët e shënjuara për shkatërrim janë konfiskuar nga Policia e Kosovës gjatë punës së tyre për hetimin e krimeve.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale