Kosovë: Subjektet politike pajtohen që 7 qershori të jetë data e zgjedhjeve

Ushtruesja e detyrës së presidentes në Kosovë, Albulena Haxhiu, ka pritur sot në takim konsultativ përfaqësuesit e sbujekteve politike në vend.

Përfaqësuesit e partive janë pajtuar që 7 qershori të jetë datë e zgjedhjeve, transmeton albinfo.ch.

Kryetari i Partisë Demokratike të Kosovës, Bedri Hamza, ka deklaruar se për subjektin që ai drejton cilado datë brenda afatit kushtetues është në rregull teksa ka deklaruar se ka pajtim nga shumica për 7 qershorin.

Kandidati i propozuar për kryeministër nga Aleanca për Ardhmërinë e Kosovës, Ardian Gjini, gjithashtu ka konfirmuar se ka dakordësi për këtë datë.

Nga Lidhja Demokratike e Kosovës gjithashtu kanë konfirmuar se 7 qershori është data për të cilën janë dakorduar partitë politike në Kosovë.