Lajme
‘Kriminel lufte’, komenti i Biden mbi Putin quhet “i pafalshëm” nga Kremlini
Presidenti amerikan, Joe Biden, e quajti presidentin Vladimir Putin një “kriminel lufte” për herë të parë, pasi forcat ruse goditën edhe një herë civilë në pushtimin e tyre të Ukrainës.
Biden bëri komentin në përgjigjen e tij ndaj një gazetari, i cili e pyeti nëse mendonte se Putin po kryente krime lufte.
“Po, mendoj se ai është një kriminel lufte”, u shpreh Biden. Këtë Kremlini e quajti një retorikë të pafalshme.
Më herët gjatë ditës së mërkurë Biden nënshkroi një paketë të re ndihme prej 800 milionë dollarësh, duke e çuar shumën totale të kontributit amerikan në Ukrainë në 1 miliard dollarë.
Një element kyç është ndihma që po i jepet Ukrainës për të marrë një sistem mbrojtjeje ajrore me rreze të gjatë veprimi dhe akses ndaj dronëve për herë të parë.
Megjithatë nuk ka pasur asnjë premtim për vendosjen e një zone ndalim-fluturimi mbi Ukrainë, pavarësisht apelit të drejtuar Kongresit të SHBA-së nga Presidenti Volodymyr Zelenski.
“Vendosja e një zone ndalim fluturimi mbi Ukrainë në mënyrë që të shpëtohen jetë njerëzish, a është shumë për të kërkuar? Një zonë humanitare ndalim fluturimi është një kusht nën të cilin Rusia nuk do të mund të terrorizojë qytetet tona paqësore çdo ditë dhe çdo natë.
Në Moskë, presidenti Putin paralajmëroi rusët kundër rusëve properëndimorë.
“Perëndimi kolektiv po përpiqet të përçajë shoqërinë tonë, duke spekuluar mbi humbjet ushtarake, për pasojat socio-ekonomike të sanksioneve – për të provokuar një konfrontim civil në Rusi dhe, duke përdorur kolonën e tij të pestë, përpiqet të arrijë këtë qëllim. Dhe, synimi i tyre është një, e kam thënë tashmë këtë, shkatërrimi i Rusisë”, tha Putin.
Kritikët e Putinit thonë se fjalimi i tij ishte një paralajmërim i ashpër për një valë të re represioni ndaj atyre që kundërshtojnë regjimin e tij./Euronews
Të ngjashme
Të tjera nga Lajme
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Zvicër
-
Zvicër: Lajmet kryesore të ditës së hënë Shtytje e përbashkët që Zvicra të njohë gjininë e tretë; disa ilaçe janë vendosur të bëhen...
-
Çiklizmi në tren: Rezervimi i vendit nuk e zgjidh mungesën e hapësirës
-
Katër të vdekur në Alpet zvicerane gjatë fundjavës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Valais: Dy turistë vdesin si pasojë e një orteku, i treti mbijetoi