Kriza në Ukrainë
Përkundër miqësisë së tij me Putinin, SPD nuk përjashton ish-kancelarin Schröder
"I padituri Gerhard Schröder nuk është fajtor për shkeljen e urdhrit të partisë, pasi nuk ka mundur të dëshmohet asnjë shkelje”
Ish-kancelari Gerhard Schröder mund të vazhdojë të mbetet në SPD. Kështu ka vendosur nënqarku i SPD-së i rajonit të Hanoverit, bën të ditur komisioni i arbitrazhit të nënqarkut, transmeton albinfo.ch.
“Komisioni i arbitrazhit i nënqarkut SPD të rajonit të Hanoverit ka përcaktuar se i padituri Gerhard Schröder nuk është fajtor për shkeljen e urdhrit të partisë, pasi nuk ka mundur të dëshmohet asnjë shkelje”, thuhet në deklaratë, shkruan srf.ch duke iu referuar mediave gjermane.
“Schröder nuk ka justifikuar luftën e Putinit kundër Ukrainës, ai madje është distancuar prej saj. Dhe qëndrimi në krye të kompanive ruse nuk përbën krim”.
Sipas zyrës së komisionit të arbitrazhit të rajonit të nënqarkut të SPD-së së Hanoverit, ndonjë kundërshtim eventual ndaj këtij vendimi tani mund të depozitohet në distriktin e Hanoverit brenda dy javësh.
Sidoqoftë, tani verdikti i shkallës së parë të Komisionit të Arbitrazhit të SPD-së, me fjalë të tjera sugjeron se: ai mund të jetë mik i Putinit, dhe sërish të mbetet në parti, sepse kjo i përket “fushës shumë personale të planifikimit të jetës së një personi”.
Marrë parasysh edhe faktin se në tetor do të ketë zgjedhje në landin Niedersachsen, nuk është e pritshme që instanca e dytë ta ndryshojë vendimin, shkruajnë mediat gjermane.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?