Futboll

Kriza e tre yjeve shqiptarë në Angli

Granit Xhaka, Xherdan Shaqiri dhe Shkodran Mustafi nuk po kalojnë momente të mira në karrierën e tyre

Granit Xhaka dhe Xherdan Shaqiri janë dy yjet shqiptarë që luajnë në Angli, derisa përfaqësojnë Zvicrën, kurse Shkodran Mustafi është kampion i botës me Gjermaninë më 2014.

Por, tre futbollistët shqiptarë nuk po kalojnë momente të mira në Angli, shkruan albinfo.ch.

Mustafi ka pasur shumë pak minuta në Arsenal, ku është paraqitur vetëm në Kupë dhe Ligën e Evropës, kurse nuk është paraqitur në Premierligë.

Xherdan Shaqiri, ashtu si edicionin e kaluar, nuk po ka minuta në Liverpool, kurse sikur të mos mjaftonte kjo, edhe lëndimet e kanë shqetësuar. Shaqiri mund të largohet në janar, sepse nuk ka minuta te kampionët e Evropës.

I fundit është Xhaka. Edhe pse e nisi shumë mirë dhe u bë kapiten i Arsenalit, gjesti i javës së kaluar, ku ofendoi tifozët, ka bërë që tifozët e Arsenalit të kërkojnë largimin e tij, derisa nuk u grumbullua fare në dy ndeshjet e fundit për skuadrën londineze.