Kroacia tani me president të ri

Në Kroaci sot u mbajt rrethi i dytë i zgjedhjeve presidenciale

Rezultatet e fundit nga më shumë se 80 për qind e vendvotimeve tregojnë se ish-kryeministri Zoran Milanoviq do të jetë president i ri i Kroacisë, transmeton albinfo.ch.

Sipas informacioneve, thuhet se për momentin, rezultatet janë duke u përpunuar nga 5,692 nga gjithsej 6,533 vendvotime, ose 87.13 për qind.

Duhet theksuar se Milanoviq vjen nga radhët e socialdemokratëve dhe se sot në raundin e dytë të zgjedhjeve presidenciale ka marrë 852.241 vota, ndërsa kandidatja e HDZ-së Kolinda Grabar-Kitaroviq ka marrë 755.568 vota.

Po ashtu, Partia HDZ ka pranuar humbjen, ndërsa SDP po feston presidentin e ri.

Presidentja aktuale, Grabar-Kitaroviq doli e dyta në raundin e parë të zgjedhjeve më 22 dhjetor, ku 11 persona garuan për postin e presidentit.

Ndryshe, që prej pavarësisë së vendit më 1991, HDZ shumicën e kohës ka qeverisur me Kroacinë. /Albinfo.ch.

---