Kroatët mund të punojnë në Zvicër me të njëjtat të drejta si shtetasit e tjerë të BE-së

Por nëse emigracioni i punëtorëve kroatë tejkalon një prag të caktuar, Zvicra mund të thërrasë një klauzolë mbrojtëse dhe të kufizojë përsëri numrin e lejeve...

Nga 1 janari, shtetasit e Kroacisë do të lejohen të punojnë në Zvicër me të njëjtat të drejta si pjesa tjetër e shtetasve të BE/EFTA, transmeton albinfo.ch.

Më parë, sipas një ligji të miratuar nga autoritetet zvicerane, kroatëve iu lejohej aksesi në tregun e punës të Zvicrës, ndërkohë që u nënshtroheshin dispozitave kalimtare, si kuotat specifike.

Megjithatë, sipas SEM (Sekretariati i Shtetit për Migracion), nëse emigracioni i punëtorëve kroatë tejkalon një prag të caktuar, Zvicra mund të thërrasë një klauzolë mbrojtëse dhe të kufizojë përsëri numrin e lejeve nga 1 janari 2023 dhe më së voni deri në fund të vitit 2026 .

Në përputhje me Marrëveshjen për Lëvizjen e Lirë të Personave ndërmjet Zvicrës dhe BE-së, Zvicra deri më tani ka mbajtur masat e mbrojtjes së tregut të punës vetëm për shtetasit kroatë. Një zgjatje e përsëritur do të ishte e mundur në konsultim me BE-në – por Zvicra ka vendosur kundër zgjatjes.

---