Lajme
Kryeministri kanadez: Edhe SHBA-ja ka faj për rrëzimin e avionit
Kryeministri kanadez Justin Trudeau thotë se viktimat e avionit ukrainas të rrëzuar në Iran do të ishin ende gjallë, po te mos kishte ekzistuar përshkallëzimi i fundit i tensioneve, që pjesërisht, u nxit nga Amerika.
“Mendoj se po të mos kishte pasur tensione, po të mos kishte përshkallëzim të situatës në rajon, shtetasit kanadezë do të ishin në shtëpi tani, pranë familjeve të tyre”, tha Trudeau në një intervistë për televizionin Global.
“Komuniteti ndërkombëtar, shtoi ai, ka qenë shumë i qartë mbi nevojën që Irani të mos ketë armë bërthamore, por në të njëjtën kohë e dinin mirë se duheshin menaxhuar tensionet në rajon, të cilat janë acaruar edhe nga veprimet e SHBA-së”, ka shtuar ai.
Boingut 737 i Ukraine International Airlines u qëllua nga një raketë iraniane pak pas ngritjes në ajër nga Teherani. Asnjë nga 176 personat në bord nuk i shpëtoi episodit fatal. Nga llogaritë e Otavës, 57 prej pasagjerëve ishin kanadezë, shumë prej tyre me origjinë iraniane.
Situata u përflak pas vrasjes së gjeneralit Kasem Sulejmani nga një sulm me dron i Shteteve të Bashkuara. Irani u përgjigj duke lëshuar me dhjetëra raketa mbi dy baza amerikane në Irak, e disa orë pas kësaj, një njësi e Rojeve Revolucionare iraniane qëlloi, siç thuhet, aksidentalisht avionin e pasagjerëve, një veprim ky të cilin presidenti i vendit, Hasan Rouhani e përshkroi si “gabim njerëzor”, shkruan TCH, përcjell albinfo.ch.
Të ngjashme
Të tjera nga Lajme
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane