Kosova
Kryetari i Preshevës: Qeveria Kurti ndau 500 mijë euro për herë të parë në Preshevë
Për herë të parë në 20 vjet një qeveri e Kosovës dërgon para në Preshevë
Së fundmi, kryetari i Preshevës, Shqiprim Arifi, ka folur për ndihmën e ndarë nga Qeveria e Kosovës në vlerë prej 500 mijë euro për përballimin e situatës me pandeminë Covid-19.
Arifi në një lidhje direkte në emisionin special në Klan Kosova shpjegoi se si do të ndahen këto mjete.
“Ne sot kemi pranuar në llogaritë tona 200 mijë euro për komunën tonë. 200 mijë euro janë ndarë edhe për komunën e Bujanovcit dhe 100 mijë euro për komunën e Medvegjës. Këto mjete i kemi dedikuar për një projekt që do të quhet “Presheva 2020”.
“Ne i kemi grumbulluar 760 mijë. Këto mjete do të shkojnë për bizneset mikro, pastaj parashihet që të rriten edhe pagat për Shtëpinë e Shëndetit. Gjithashtu do të ndahen edhe për pensionistët që kanë ndejtur 24 orë brenda shtëpive të tyre që gjashtë javë“.
Ai theksoi se kjo ndihmë është e para që një Qeveri e Kosovës ka dhënë për Preshevën.
“E para pas 20 vjetëve Qeveria Kurti i ka dhënë këtë ndihmë me 500 mijë euro, aq sa ka pasur mundësi. Tani në këtë kohë krize, kjo ndihmë është e mirëseardhur”.
I pari i Preshevës njoftoi e Komuna që ai drejton ka qenë e para nga komunat në Serbi që i ka ndërmarrë masat e nevojshme për parandalimin e Covid-19.
“Nuk ka dhënë Serbia ndihmë. Presheva është komuna e parë, e cila ka marrë masa qysh në ditët e para, duke i mbyllur kafiteritë, edhe i kemi futur në karantinë. Jemi të parët, nuk kemi pasur ndihmë. Aktualisht nuk e kemi asnjë të infektuar”, përcjell albinfo.ch.
Të ngjashme
Të tjera nga Kosova
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën