Lajme
Ku i shpenzon Zvicra paratë e buxhetit
Një raport i ri shpjegon se ku vendi shpenzon paratë e veta dhe si krahasohen shpenzimet e tij me ato të Bashkimit Evropian
Raporti i publikuar nga Zyra Federale e Statistikave (FSO), tregon se në vitin 2018, vitin e fundit për të cilin janë në dispozicion shifrat zyrtare, shpenzimet e vendit janë rritur me 1.7 për qind krahasuar me 2017, për të arritur në 232.6 miliardë franga.
Në disa zona, zviceranët shënuan një përqindje më të madhe të shpenzimeve të përgjithshme sesa vendet e BE-së, përcjell albinfo.ch.
Për shembull, ata investuan më shumë në arsim (përfshirë aftësimin profesional që kombinon akademikët me përvojën e punës) sesa homologët e tyre të Bashkimit Evropian – 16.5 për qind e shpenzimeve totale kundrejt mesatares 10.2 për qind në BE.
Ata gjithashtu shpenzuan një përqindje më të madhe të buxhetit të tyre në administratën publike 13,7, që është pak më e lartë se 12.7 përqind në Union. Roli i administratës publike është të zhvillojë dhe zbatojë politikat qeveritare në nivele të ndryshme, përcjell tutje albinfo.ch.
Zvicra gjithashtu investoi 11.7 për qind në “çështje ekonomike”, ndërsa BE shpenzoi 8.9 për qind në këtë kategori, e cila përfshin punësimin, bujqësinë, transportin dhe komunikimin.
Nga ana tjetër, anëtarët e Bashkimit Evropian kanë shpenzuar një përqindje më të lartë të buxhetit të tyre të përgjithshëm – 42.1 për qind për sistemin e mbrojtjes sociale, ndërsa zviceranët ndanë 39.4 për qind për këtë artikull buxheti.
Kostot e mbrojtjes zunë 2.4 për qind të shpenzimeve totale të Zvicrës, kundrejt 2.9 për qind në BE, përcjell tutje albinfo.ch.
Burime të tjera si Eurostat tregojnë më shumë fusha ku kontributet e Zvicrës tejkalojnë më shumë ato të vendeve të BE-së: mbi 12 për qind e PBB-së së vendit do të paguajnë për kujdes shëndetësor – më shumë se mesatarja evropiane prej 9.9 për qind.
Sipas standardeve ndërkombëtare, borxhi publik në Zvicër ka qenë tradicionalisht i ulët, ndërsa financat publike vazhdimisht kanë qenë të tepërta.
Të ngjashme
Të tjera nga Lajme
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Ortekët kanë mbytur 14 persona në Zvicër këtë dimër 14 personat humbën jetën në dymbëdhjetë aksidente të veçanta...
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane
-
Çka është letra e referencës që ju nevojitet për nënshtetësinë zvicerane?