Integrimi
Kultura në mbështetje të kandidaturës së Ylfete Fanajt për deputete nacionale
Në këtë mbrëmje u shfaq edhe filmi artistik „Babushi“ që ka për temë korrupsionin dhe krimin e organizuar shtetëror në Kosovë
Të shtunën, më 14 shtator u mbajt një mbrëmje kulturore në Lucern. Me këtë rast, në kuadër të fushatës elektorale për t`u zgjedhur deputete në Parlamentin zviceran të kandidates shqiptare, politikanes së suksesshme dhe të mirënjohur në skenën politike në Kantonin e Lucernit, zonjës Ylfete Fanaj, u shfaq edhe filmi artistik „Babushi“. Filmi ka për temë korrupsionin dhe krimin e organizuar shtetëror në Kosovë, ndërsa në të, njërin nga rolet kryesore e luan edhe bashkatdhetari ynë me qëndrim në Lucern të Zvicrës, Meti Haxhosaj.
Gjatë bisedës së aktorit Haxhosaj dhe moderatorit, Avni Binaku, është bërë edhe një paralele në mes dy vendeve Kosovë – Zvicër në kontekstin e këtyre fenomeneve negative në shoqëri.
Në kuadër të kësaj mbrëmje më qëllim mbështetjen e kandidates, zonjës Ylfete Fanaj për hyrjen në Parlamentin Nacional në Zvicër, shumë bashkatdhetarë u shprehën për një mobilizim në forma të ndryshme. Njëra ndër format ishte edhe kjo që e bëri sponzori i kësaj mbrëmje bashkatdhetari ynë z. Jetmir Memedi, duke bërë bashkë kulturën me angazhimin shoqëror.
Gjatë diskutimit të tij edhe mjeku, specialist i gastroenterologjisë, z. Mentor Bilali bëri thirrje tek bashkatdhetarët për një mobilizim të fuqishëm në mbeshtetje të kanditaturës së Ylfete Fanajt.
Moderuesi i këtij takimi z. Avni Binaku si bashkëpartiak dhe bashkaktivist për 15 vite i Ylfete Fanajt solli fakte të shumta për pjekurinë e saj politike për mandatin si deputete nacionale. Ajo si deputete kantonale në dy mandate por edhe si anëtare e shumë organizatave joqeveritare ka dhënë një kontribut të çmueshëm në politikat e integrimeve për migrantët, politikat sociale, të drejtat e barabarta në arsim dhe të drejtat e grave.
Prandaj, z. Avni Binaku bëri thirrje qe të ketë një mobilizim të fuqishëm në kantonin e Lucernit që qytetarët me të drejtë vote të sesibilizohen sa më shumë. Binaku shtoi më tej se kalkulimet e bëra për zgjedhje të Ylfete Fanajt tregojnë në mënyrë shumë reale se ajo më 20 tetor 2019 mund të dalë fituese.
Kanditatura e zonjës Fanaj është një rast historik dhe besojmë fuqishëm në zgjedhjen dhe suksesin e saj që na bënë krenarë, përfundoi ai.
Të ngjashme
Të tjera nga Integrimi
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën