Futboll
Kuqezinjtë, kundër kampionëve të botës në stadiumin e ri
Mbëmje magjike për futbollin shqiptar në stadiumin e ri “Air Albania”
Sonte është një mbrëmje e madhe për futbollin shqiptar, sepse do të zhvillohet ndeshja e parë në stadiumin e ri “Air Albania” me rreth 22 mijë ulëse.
Shqipëria do të përballet me Francën, kampionen e botës nga ora 20:45, shkruan albinfo.ch.
Kuqezinjtë ndodhen përballë një kundërshtari shumë të vështirë, derisa do të mundohen të hyjnë në histori me fitore.
Trajneri Edi Reja ka folur para ndeshjes. “Në radhë të parë doja t’i bëja komplimente trajnerit Deschamps, që është kampion bote dhe ka fituar çmim personal si trajneri më i mirë. Unë kam punuar me klubet, është një punë tjetër, duhet të kesh dhe një raport tjetër me mediet. Është diçka stresuese. Fola me Deschamps dhe më tha që është i kënaqur me punën e tij dhe më tha që nuk ka të njëjtin stres, si me Juventusin, që kërkohen rezultatet çdo javë. Më vjen keq që nuk erdha më parë, që të stërviteshim dhe të përballonim këtë grup që ishte i vështirë. Për të ardhmen premtoj që do të kemi rezultate më të mira, pasi kjo skuadër ka vend për përmirësim”, theksoi trajneri i Shqipërisë.
Ndërkohë, trajneri i Francës, Didier Deschamps, ka thënë fjalë të mira për Shqipërinë. “Do të thosha që do të jetë një ndeshje e fortë, pasi do të luajnë në fushën e tyre, në inaugurimin e stadiumit. Shqiptarët do të manifestojnë dashurinë e tyre për futbollin. Jam i bindur që sot do të kemi përballë një ekip të motivuar. Ndeshjet me Moldavinë dhe Turqinë janë harruar, i përkasin së shkuarës. Unë besoj se ekipi im do të bëjë një performancë të mirë ndaj Shqipërisë së motivuar”, theksoi trajneri francez.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën