Lansohet versioni zviceran i gjeneratorit të tekstit “SwissGPT”

Foto ilustrim

Kompania zvicerane “AlpineAI” njoftoi sot nisjen e SwissGPT. Ky version zviceran i gjeneratorit të tekstit “ChatGPT” synon të kundërshtojë praninë amerikane dhe kineze në këtë fushë dhe t’u shërbejë kompanive lokale në mënyrë më efektive, shkruan swissinfo, përcjell albinfo.ch.

Qëllimi është të përpunohen të dhënat e kompanisë në mënyrë të sigurt, duke përdorur LLM (Large Language Model) dhe të zhvillohen zgjidhje të reja duke përdorur algoritme, shpjegoi start-up në një konferencë për shtyp.

E krijuar së bashku nga disa laboratorë kërkimore të Inteligjencës Artificiale, duke përfshirë Institutin Federal Zviceran të Teknologjisë në Cyrih (ETHZ) dhe homologun e tij të Lozanës (EPFL), SwissGPT synon të kundërshtojë supremacinë teknologjike të SHBA-së dhe Kinës, furnizuesit kryesorë të të tillëve.