Bota
Lavrov: Rusia do të vazhdojë t’i bombardojë caqet militante në Idlib
Ministri i Jashtëm rus, Sergei Lavrov, tha se Moska do të vazhdojë bombardimin e caqeve të militantëve në provincën Idlib të Sirisë nëse ka nevojë, porse do të hapë po ashtu korridore humanitare për t’iu mundësuar civilëve të ikin.
Lavrov i bëri këto komente në Berlin, para një takimi me ministrin e Jashtëm gjerman, Heiko Maas.
I cituar nga agjencia ruse e lajmeve Interfax, Lavrov tha se forca ajrore ruse do të bombardojë objektet e terroristëve, por edhe do t’i inkurajojë marrëveshjet për pajtim.
Përpara bisedimeve, Maas tha se do ta paralajmërojë Lavrovin se një ofensivë e madhe ushtarake në Idlib – provincën e fundit që kontrollohet nga rebelët sirianë – rrezikon të shkaktojë “katastrofë humanitare”.
“Të gjithë e dimë se çka është në rrezik”, tha Maas në një intervistë për agjencinë e lajmeve DPA.
Qeveria e Sirisë ka bërë publike planet për një ofensivë të madhe në Idlib.
Rusia dhe Irani i kanë dhënë mbështetje regjimit të presidentit sirian, Bashar al-Assad, gjatë luftës civile shtatëvjeçare, shkruan REL, përcjell Albinfo.ch.
Kombet e Bashkuara presin që deri në 900,000 njerëz të ikin nëse Assadi nis ofensivë të shkallës së gjerë në Idlib.
Në këtë enklavë, aktualisht jetojnë rreth tre milionë njerëz.
“Rusia luan rol të rëndësishëm dhe ne kemi pritje nga ajo”, tha Maas.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane