Lajme

Leqet e Hotit, një mrekulli natyrore e ndërthurur me dorën e njeriut

Alpet e Shqipërisë së Veriut janë një amfiteatër epik, manifestim spektakolar i natyrës

Leqet e Hotit janë qafë në qarkun e Shkodrës, në lartësinë 730 m, nëpër të cilën kalon rruga e Malësisë së Madhe që shkon nga Shkodra në Vermosh, shkruan albinfo.ch.

Kjo është një bukuri natyrore që ndërthuret edhe me punën e njeriut, me rrugët që janë krijuar në formë me gjarpërime.

Lidh fushën karstike të Hanit të Hotit (Bajzë-Kushe) me luginën e Cemit dhe ndan majën e Mështjerrës (1447m) në juglindje me të Bukovikut (1232m) në veriperëndim.

Zbret me gjarpërime të shumta në luginën e Cemit për 500 m. Ka prejardhje tektonike-erozive. Në anën verilindore është e veshur me pyll ahu, kurse në jugperëndim bashkohet me fushën e Rapshit. /Albinfo.ch


LAJME INTERESANTE NGA INTERNETI