Lojërat Olimpike 2028 mbahen në Los Angeles

“LA 2024 dhe Komiteti Organizativ Olimpik kanë arritur një marrëveshje që Los Angeles të mbajë Lojërat Olimpike të vitit 2028”, ka thënë zëdhënësja e Këshillit Presidencial të Los Angelesit, Caolinn Mejza

Lojërat Olimpike të vitit 2028 do të mbahen në Los Angeles, ka njoftuar Komiteti Olimpik Ndërkombëtar.

Marrëveshja u zyrtarizua të hënën, duke i hapur rrugë Parisit që të mbajë Lojërat Olimpike të vitit 2024.

“LA 2024 dhe Komiteti Organizativ Olimpik kanë arritur një marrëveshje që Los Angeles të mbajë Lojërat Olimpike të vitit 2028”, ka thënë zëdhënësja e Këshillit Presidencial të Los Angelesit, Caolinn Mejza. “Këshilli i Qytetit do të mbajë një takim të premten për të diskutuar detajet e ofertës”.

Komiteti Ndërkombëtar Olimpik ka pranuar se do t’i japë Los Angelesit dhe komitetit organizativ 1.8 miliardë dollarë si pjesë e marrëveshjes.

Kjo është hera e parë që Lojërat Olimpike do të mbahen në SHBA që nga viti 1996 kur u mbajt Olimpiada në Atlanta.

Parisi pritet që tani të fitojë të drejtën për Olimpiadën 2024, pasi më parë KON kishte thënë se do të njoftojë për dy fituesit njëherësh, por nuk e kishte të vendosur se cili qytet cilat Lojëra Olimpike do t’i organizojë.

Vendimi do të finalizohet në muajin shtator.

http://cnnphilippines.com/sports/2017/08/01/los-angeles-2028-olympics.html