LSI: Shqiptarët janë përpara një katastrofe ekonomike

Partia opozitare Lëvizja Socialiste për Integrim vlerëson se qeveria Rama ka mashtruar haptas shqiptaret për borxhin publik duke e fshehur dhe duke e paraqitur atë më të ulet.

Kreu i grupit parlamentar të LSI-së, Petrit Vasili, në një deklaratë për emdia ka akuzuar dhe prokurorinë se po mbyll sytë dhe veshët përballë kësaj situate.

“Borxhi publik i deklaruar sipas saj shkon 70%, ndonëse do ta shtjellojmë më pas, është edhe më i lartë se kaq, ndërsa borxhi publik i verifikuar dhe i konstatuar nga një organ kushtetues siç është Kontrolli i Lartë i Shtetit është 72%.

Vetëm për këtë çështje dhe vetëm për këtë moment, shqiptarët duhet të dinë që janë përpara një katastrofe ekonomike financiare të pashembullt”, ka thënë Vasili.

Lëvizja Socialiste për Integrim vlerëson se Shqipëria sot ndodhet përpara një piramide financiare të përmasave të frikshme për shkak të një qeverie piramidë.