Kriza në Ukrainë
Macron i përgjigjet Putinit: Nuk e paguajmë gazin me rubla
Sipas Macron, Rusia po tenton në këtë mënyrë të anashkalojë sanksionet e vendosura për shkak të nisjes së luftës kundër Ukrainës.
Presidenti i Francës, Emmanuel Macron, e refuzoi kërkesën e homologut të tij rus, Vladimir Putin, që Europa të paguajë me rubla për gazin rus. Për shefin e Elizesë, Moska thjesht po tenton në këtë mënyrë të anashkalojë sanksionet e vendosura për shkak të nisjes së luftës kundër Ukrainës.
Ky vendim i Rusisë, tha Macron për gazetarët, “nuk është në linjë me atë që është nënshkruar, dhe nuk e shoh se si ne do ta pranojmë” këtë kërkesë. Putin doli më herët gjatë javës me pretendimin që gazi rus të paguhet me monedhën kombëtare ruse, rubla, teksa Moska po përpiqet që ta mbështesë ekonominë e saj që është goditur nga sanksionet e Perëndimit për shkak të pushtimit të Ukrainës.
Macron insistoi se “të gjitha dokumentet e nënshkruara janë të qarta: kjo është e ndaluar.
Prandaj, europianët që blejnë gaz, e që janë në tokën europiane, duhet të paguajnë me euro”. Për këtë arsye, argumentoi ai, nuk është e mundur që sot të bëhet kjo kërkesë, që nuk është në kontratë”. Edhe Gjermania, që është një blerëse e madhe e gazit rus, e refuzoi një kërkesë të tillë, transmeton Tch.
Kancelari gjerman, Olaf Scholz, tha se kontratat e nënshkruara tregojnë saktësisht se si duhet të paguhet për gazin e blerë. Europa po tenton që të ulë varësinë nga gazi rus. Por, vazhdon të dërgojë qindra-miliona euro çdo ditë në Moskë për pagesa të energjisë, sektor që ende nuk është prekur nga sanksionet.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë