Lajme
Macron: Personat mbi 50 vjeç duhet të marrin dozën e tretë
Presidenti i Francës, Emmanuel Macron ka njoftuar masa të reja për të inkurajuar të moshuarit francezë që të paraqiten për një dozë të tretë vaksinimi kundër koronavirusit, në një përpjekje për të frenuar rritjen e numrit të infeksioneve dhe shtrimeve në spital.
Në një fjalim televiziv, presidenti francez tha se nga mesi i dhjetorit, do të nevojitet një injeksion përforcues në mënyrë që personave mbi 65 vjeç t’u zgjatet leja shëndetësore.
“Ne duhet t’i shpejtojmë gjërat. Nga 15 dhjetori, do t’ju duhet prova e një përforcuesi për të zgjatur vlefshmërinë e lejes suaj shëndetësore”, u shpreh Macron.
Që prej stinës së verës, pasaporta e vaksinimit ka qenë e nevojshme për të hyrë në bare, restorante dhe ambiente të tjera. Leja shëndetësore tregon prova të statusit të plotë të vaksinimit, një test të fundit negativ për COVID-19 ose shërim nga sëmundja.
Macron shtoi se 50 deri në 64-vjeçarët do të kenë të drejtë për një dozë përforcuese që nga fillimi i dhjetorit, duke shprehur shqetësimin për rishfaqjen e rasteve të koronavirusit, të cilat ai tha se ishin rritur me 40% brenda një jave.
“Më shumë se 80% e personave në terapi intensive janë të moshës mbi 50 vjeç, prandaj nga fillimi i dhjetorit do të nisë një fushatë tërheqjeje për qytetarët tanë, të moshës nga 50 deri në 64 vjeç”, tha presidenti.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?