E-Diaspora
Mbrëmje festive në Affoltern am Albis
Të mërkurën më 28 nëntor 2018, shkolla shqipe Affoltern am Albis festën e 28 Nëntorit e festoi ndryshe. Ajo organizoi një orë mësimore dhe një takim të përbashkët, ku të gjithë së bashku nxënës dhe prindër festuan festën kombëtare dhe suksesin e shkollës shqipe, si një ndër shkollat shqipe më të mira në Zvicër
Salla në Obfelden ishte e vogël për t’i zënë të gjithë prindërit dhe nxënësit e shkollës shqipe Affoltern am Albis, të cilët ishin tubuar me qëllim që të festojnë së bashku 28 Nëntorin – Ditën e shpalljes së pavarësisë së Shqipërisë.
Një gëzim i papërshkueshëm shihej qartë në fytyrat e nxënësve, të cilët me aq përkushtim vijojnë mësimin plotësues në gjuhën shqipe. Për shumicën prej tyre kjo mbrëmje ishte mbrëmja e parë festive në kuadër të shkollës shqipe. Ajo që e bënë edhe më kuptimplote këtë mbrëmje ishte gëzimi i fëmijëve për të festuar këtë festë kombëtare.
Mbrëmjen festive e hapi kryetarja e këshillit prindëror të shkollës shqipe Affoltern am Albis, znj. Sahadete Rashiti, e cila pasi që i përshëndeti nxënësit dhe prindërit për angazhimin e tyre rreth shkollë shqipe, ia dha fjalën z. Riza Demaj – veprimtarit të dalluar të çështjes kombëtare, i cili u prit me nderime nga ana e prindërve. Ai foli për rëndësinë shkollës shqipe, përgëzoi prindërit për angazhimin e tyre dhe në fund tha se prindërit dhe nxënësit e shkollës Affoltern am Albis janë shembulli më i mirë se si duhet të veprohet dhe punohet në shërbim të shkollës shqipe.
Mbrëmja vazhdoi me një orë mësimore të përgatitur nga mësuesi i shkollës shqipe Vaxhid Sejdiu, i cili i prezantoi në pika të shkurtra ngjarjet më të rëndësishme historike të popullit shqiptar deri te shpallja e pavarësisë, e cila u përcoll me vëmendje jo vetëm nga nxënësit, por edhe nga prindërit e kësaj shkolle.
Pas orë mësimore, pjesëmarrësit patën rastin së bashku të përcjellin sekuenca filmike të filmit “Nëntori i Dytë”, edhe pse shumë i shikuar, por çdoherë aktual për kohën. Dhe, në fund të pranishmit shijuan ushqime tradicionale të përgatitura enkas për këtë festë.
Dhe, në fund për të gjithë pjesëmarrësit ishte organizuar një apero me specialitete shqiptare.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma edhe pse ka shpenzuar paratë e veta Zyra e kompensimit i kishte refuzuar kërkesën sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf