Lajme
Më 15 maj hapen bizneset e hotelerisë në Austri – ja rregullat e reja
Nga 15 maji të gjitha lokalet e hotelerisë në Austri lejohen të punojnë përsëri nga ora 6:00 e mëngjesit deri në orën 23:00 të natës. Kur të hyjnë në restorante, të gjithë të ftuarit duhet të mbajnë maskë në fytyrë derisa të ulën në tavolinën e tyre. Më e rëndësishmja është të mbani largësinë mes tavolinave.
Kancelari Sebastian Kurz, ministrja e Turizmit Elisabeth Köstinger dhe ministri i Shëndetësisë Rudolf Anschober informuan sot se hapja e të gjitha lokaleve të hotelerisë do të bëhet nga e premtja e ardhshme. Me këtë rast ata njoftuan edhe për rregullat e reja që duhet të zbatohen si nga nikoqirët ashtu edhe nga mysafirët, shkruajnë mediat austriake, transmeton Albinfo Austria.
Tavernat, restorantet, kafenetë dhe të tjera të ngjashme mund të jenë të hapura prej orës 6 të mëngjesit deri në 23 natës. Stafi punues i cili ka kontakt të drejtpërdrejt me klientët duhet të mbajnë maskë apo një mbulesë në gojë dhe hundë. Në një tavolinë mund të ulen më së shumti 4 persona plus fëmijët e tyre.
Duhet të ketë një largësi sigurie në mes personave që nuk janë të ulur në një tavolinë. Siç deklaroi ministria Elisabeth Könstinger, shumë lokale janë duke menduar të vendosin xhama mbrojtës në mes tavolinave për të krijuar një mjedis më të sigurte për të gjithë mysafirët e tyre.
Në anën tjetër është e preferuar që paraprakisht të rezervoni tavolinën, por jo e detyrueshme.
“Ne me mirësi ju kërkojmë të bëni një rezervim paraprakisht për të siguruar që të mund të planifikoni tavolinën. Sidoqoftë, kjo nuk është e detyrueshme dhe lejohet të vizitoni restorantet edhe pa njoftim paraprak”, tha Kurz.
Kancelari austriak ka thënë se nuk do të ketë gjoba nëse rregullat shkelen jo qëllimshëm. Sipas tij këto janë më shumë këshilla, veçanërisht në fazën e parë, por assesi të tolerueshme për ata që bëjnë veprime të qëllimshme. “Kushdo që vepron qëllimisht kundër rregullave do të ndëshkohet”, ka thënë ai.
Paketa e subvencioneve e dedikuara për lokalet e hotelerisë, e cila supozohet se do të sjellë lehtësime nga taksat, do të përfundojë javën e ardhshme. Kurz ka thënë se e rëndësishme është që bizneset do të mund të menaxhohen më mirë ekonomikisht. “Ishte një kohë jashtëzakonisht e vështirë për bizneset e hotelerisë. Ne duam të japim një kontribut në mënyrë që ata ta kalojnë sa më lehtë këtë situatë emergjente“.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?