Më 22 gusht, shpërndahet Kuvendi i Kosovës

Shpërndarja e Kuvendit do të bëhet me 22 gusht duke filluar nga ora 10:00

Kryesia e Kuvendit të Kosovës ka vendosur që seanca e jashtëzakonshme për shpërndarje të Kuvendit të mbahet më 22 gusht, shkruan Gazeta Metro, përcjell albinfo.ch.

Grupet parlamentare pas takimit të thirur nga Kryetari i Kuvendit, Kadri Veseli, janë dakorduar që më 22 gusht të shpërndajnë Kuvendin, në seancën që fillon nga ora 10:00.

Të gjithë shefat e Grupeve Parlamentare kanë thënë se janë pajtuar me këtë datë dhe presin gatishmërinë për zgjedhje të reja.

Kjo datë është vendosur pasi edhe Bashkimi Europian ka kërkuar që t’i jepet kohë për përgatitjen e monitorimit të këtyre zgjedhjeve të reja në Kosovë.

Përpos kësaj, atë ditë do të votohen edhe disa fonde milionëshe nga IPA.

---