Më 29 maj – Kuvendi i Shqiptarëve në Zvicër

Kuvendi, “synon organizimin e diasporës shqiptare në nivel federal dhe ka për qëllim krijimin e një strukture të përhershme përfaqësuese”

Një grup nismëtar i përbërë nga aktivistë, ekspertë dhe pjesëmarrës shqiptarë në jetën politike  e shoqërore të Zvicrës ka filluar që prej më shumë se një viti përpjekjet për ndërtimin e një strukture që do të përfaqësonte shqiptarët në Zvicër.

Në këtë vazhdë, grupi i ekspertëve dhe përfaqësuesit e të gjitha kantoneve të Zvicrës, të angazhuar në këtë nismë, pas një sërë takimesh dhe konsultash,  në një mbledhje të mbajturr më 23 janar 2011, patën vendosur mbajtjen e Kuvendit të Shqiptarëve të Zvicrës. Ky kuvend, sipas një njoftimi për medie, të grupit të përmendur, do të mbahet më 29 maj 2011, në Bernë.Kuvendi, sipas njoftimit, “synon organizimin e diasporës shqiptare në nivel federal dhe ka për qëllim krijimin e një strukture të përhershme përfaqësuese si dhe organizimin karshi vendit pritës dhe atij të prejardhjes”. Me qëllimin që ky kuvend të jetë sa më gjithëpërfshirës, grupi nismëtar fton të gjitha shoqatat dhe përfaqësimet shqiptare si dhe gjithë të interesuarit në kantone të marrin pjesë.

Më tutje, grupi porosit të intersuarit për pjesëmarrje që, për arsye organizative, të konfirmojnë  ardhjen e tyre deri më datën 19 maj 2011, në adresën elektronike[email protected] ose në numrin e telefonit: 078 623 44 41.                      

Në fund të ftesës, prezantohet  Grupi i ekspertëve (sipas rendit alfabetik) në këtë përbërje: Albana Krasniqi Malaj, Bashkim Iseni, Bedri Krasniqi, Nazmi Jakurti, Orhan Spahiu, Sarah Gretler, Shqipe Bajrami, Valentina Smajli, Ylfete Fanaj.

Kuvendi mbahet në Hotel Bern, Unionssaal 1+2 (kati i dytë)Zeughausgasse 9CH-3011 BernHapja e derës bëhet në orën 14:30, ndërsa fillimi i punimeve në orën 15:00..