Lajme

Më shumë të huaj po punojnë në Zvicër

Ndërsa numri i shtetasve zviceranë të punësuar u rrit me vetëm 0.1 për qind midis qershorit 2021 dhe qershorit 2022, numri i të huajve u rrit me 4.8 për qind në të njëjtën periudhë, njofton albinfo.ch.

Të dhënat e reja nga Enti Federal i Statistikave tregojnë se rritja më e madhe (12.6 për qind) ka qenë tek mbajtësit e lejeve afatshkurtëra L, pasuar nga mbajtësit e lejeve G ndërkufitare (6 për qind), lejet B (5.6 për qind) dhe 2.7. për qind për mbajtësit e lejes C.

Ky zhvillim “pasqyron një imigrim fuqimisht të orientuar nga tregu i punës në Zvicër”, tha qeveria në një deklaratë për shtyp.

“Kjo është për shkak të rritjes ekonomike të vërejtur pas heqjes së masave të lidhura me pandeminë dhe rritjes që rezultoi në kërkesën për punë”. /Albinfo.ch