Maqedonia
Media austriake: Mogherini është mike e Moskës, Maqedonia është testi i BE-së
Die Presse shkruan se ka mjaft argumente për t’u interesuar rreth ngjarjeve të Maqedonisë, pasi shteti në udhëkryq të Ballkanit të mos mbetet zonë e ndikuar nga Rusia.
Në fund të muajit Shkupi do vendosë rrugën e orientimit: nëse është për ose kundër anëtarësimit në NATO, duke i dhënë dritë jeshile ndryshimit të emrit. Do ishte mirë që të përgatiten masa kundër dezinformacioneve të lansuara nga Rusia, shkruan media e djathtë austriake “Die Presse”.
Më tej ajo shton se ka mjaft argumente për t’u interesuar rreth ngjarjeve të Maqedonisë, që shteti në udhëkryq të Ballkanit të mos mbetet zonë e ndikuar nga Rusia.
“Prej javësh janë formuar rreth 40 grupe të reje në Facebook, të cilat kanë për qëllim të dezinformojnë publikun dhe të shpallin të pavlefshëm referendumin,” përcjell albinfo.ch. “Grupet formohen me mbështetje të shërbimit sekret rus dhe të kujtojnë lajmet e rrejshme të lansuara gjatë fushatës zgjedhore në SHBA.”
Gjithsesi media austriake pranon se në Maqedoni, ndikimi rus është më pak i përhapur sesa Serbia – përkundër kishës ortodokse.
Shefja e politikës së jashtme europiane, Frederica Mogherini ka treguar për krijimin e një grupi të ri ekspertësh në BE me emrin East StratCom Task Force, e cila do luftojë fushatat dezinformuese anti BE – edhepse është një “sekret publik”, që mikja moskovite Mogherini, me këtë repart nuk ka shfaqur entuziasëm dhe se buxheti i saj është siguruar falë presionit nga të Parlamentit Europian.
Në fund media austriake shkruan se suksesi i referendumit të Maqedonisë është një provë e madhe e BE-së, nëse ajo është e gatshme për t’u marrë me politika të mëdha botërore. “Do ishte tragjike, nëse BE do u humbte këtë shansë nga lojërat ruse,” përcjell albinfo.ch.
Të ngjashme
Të tjera nga Maqedonia
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor