Mërgimtarët po kthehen, sërish kolona e pritje në pikat kufitare

Në njoftimin e fundit thuhet se për të hyrë në Kosovë duhet pritur 4 orë e 40 minuta, e për të dalë nga Kosova pritjet janë deri në 5 orë e gjysmë

Deri në 5 orë kanë pritur mërgimtarët në Merdarë, njofton Qendra Kombëtare për Menaxhimin e Kufirit. Derisa në njoftimin e fundit thuhet se për të hyrë në Kosovë duhet pritur 4 orë e 40 minuta, e për të dalë nga Kosova pritjet janë deri në 5 orë e gjysmë.

Ndërkohë, te Dheu i Bardhë pritjet për të dalë nga Kosova janë deri në 40 minuta, ndërsa për të hyrë 1 orë e 30 minuta.

Mërgimtari Albert Ahmeti i cili po kthej në Zvicër nga Kosova ka thënë se për albinfo.ch se kjo është e tepërt. Ai ka thënë mos respektimi i rezolutës së Kuvendi është e turpshme për institucionet tjera. Ahmeti ka apeluar tek institucionet kosovare që çështja e pritjeve në pikat kufitare të zgjidhet dhe të mos përsëritet edhe viteve të ardhshme.

Fluks më të vogël dhe pritje më të shkurtra ka në kufirin në Mutivodë, me vetëm 20 minuta pritje për të hyrë në Kosovë, ndërsa në Muçibabë pritjet për të dalë nga vendi janë 60 minuta. Ndërsa në kohë optimale po kalohen vendkalimet kufitare për në Maqedoni, derisa vendkalimi kufitar në Vërmicë ka pritje deri në gjysmë ore.