Kosova
Mërgimtari nga Zvicra hap qendër tregtare në Viti
Investitori, Qail Emini në ceremoninë e përurimit të kësaj qendre ka thënë se qëllimi i këtij investimi është për t’i shtuar edhe më tepër vlerë qendrës së biznesit dhe për të shërbyer si qendër sociale e komunitetit
Qail Emini nga fshati Tërpezë e Vitisë i cili jeton në Zvicër, ka realizuar një investim të madh në vendlindje. Ai ka hapur pak metra larg qendrës së Vitisë, qendrën tregtare “Emi Center” duke punësuar 30 persona, numri ky që pritet të rritet.
Emini, në ceremoninë e përurimit të ambienteve të kësaj qendre me një hapësirë pre mbi 5 mijë metrash, ka thënë se qëllimi i këtij investimi është për t’i shtuar edhe më tepër vlerë qendrës së biznesit. Ajo do të shërbejë edhe si qendër sociale e komunitetit, raporton Tv plus, transmeton albinfo.ch.
Ai theksoi se qytetarët në këtë qendër përveç që do të shkojnë për të blerë mund të kalojnë një pjesë të mirë të kohës së tyre të lirë me familje ose shoqëri.
Kryetari i Vitisë, Sokol Haliti ka thënë se ai është i lumtur sa herë që ka investime të këtij lloji në qytetin të cilin ai e drejton. Ai u ka bërë thirrje edhe mërgimtarëve të tjerë që të ndjekin shembullin e Qailit.
Në këtë qendër tregtare mund të gjeni produkte ushqimore, shtëpiake dhe tekstil etj. Aty po ashtu ofrohen edhe shërbime të tjera si restaurante dhe këndi i lojërave për fëmijë.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe