Lajme

Mërgimtari postoi video duke shtënë për Vitin e Ri, policia i kontrollon shtëpinë

Pas një video e postuar në rrjete sociale, në të cilën shihej teksa gjuan me armë zjarri natën e Vitit të Ri, ka bërë që policia e Kosovës të kryejë kontrolle në shtëpinë e të dyshuarit në fshatin Prekolluk të Deçanit, thuhet në njoftimin e policisë, transmeton albinfo.ch.

Në raport thuhet se pasi që i dyshuari jeton jashtë vendit, policia s’ka arritur ta arrestojë, por ndaj tij është iniciuar rasti për “përdorim të armës apo mjetit të rrezikshëm” dhe “mbajtje në pronësi ose kontroll posedim të paautorizuar të armës”.

Po ashtu, në njoftim të policisë bëhet e ditur se i dyshuari kishte postuar në natën e Vitit të Ri një video duke shtënë në ajër me dy pistoleta, ndërsa të enjten janë kryer kontrolle në shtëpinë e tij.

Tek i dyshuari janë gjetur dhe konfiskuar një (1) pistoletё XDM-9, dy (2) karikator i sё njejtёs armё dhe, njëzetë e dy (22) fishekё cal. 9x 19 mm, një (1) Pistoletё Ekol me gas, njё (1) karikator i sё njëjtёs armë dhe, tetё (8) fishekё. /Albinfo.ch

 

 


LAJME INTERESANTE NGA INTERNETI