Lajme
Merkel, Biden: Rusia të tërheqë trupat nga kufiri me Ukrainën
Në deklaratat e fundit, kancelarja gjermane, Angela Merkel dhe presidenti i Shteteve të Bashkuara, Joe Biden, janë pajtuar që një reduktim i trupave ruse në kufi me Ukrainën do të ndihmonte në uljen e tensioneve në rajon, përcjell albinfo.ch.
Gjatë një bisede telefonike, Merkel dhe Biden kanë thënë se është e nevojshme që Rusia të tërheqë forcat e saj nga rajoni, shkruan REL.
Vlen të theksohet se njoftimi për biseden e dy liderëve është bërë nga ana e zyrës së kancelares Merkel.
Ndërkohë, gjatë ditëve të fundit Rusia ka vendosur njësi të armatosura në kufi në Ukrainën, duke rritur shqetësimet e vendeve perëndimore.
Bisedimet mes Merkel dhe Biden pasuan një diskutim të ministrave të NATO-s në Bruksel, të cilët ngritën çështjen e situatës në kufirin Rusi-Ukrainë.
Sekretari i Përgjithshëm i NATO-s, Jens Stoltenberg, tha se NATO-ja i bën thirrje Rusisë të “ndalojë provokimet “.
Gjermania: Rusia po synon të provokojë me prezencën ushtarake në kufi me Ukrainën
Sekretari i Mbrojtjes i SHBA-së, Lloyd Austin, tha se Shtetet e Bahskuara do të vazhdojnë mbështetjen për Ukrainën.
Ministrja gjermane e Mbrojtjes, Annegret Kramp-Karrenbauer, më herët akuzoi Rusinë për përpjekjen e saj që të rrisë tensionet përgjatë kufirit.
Në Uashington, drejtori i Agjencisë Qendrore të Inteligjencës (CIA), William Burns, i tha një komiteti të Senatit të SHBA-së që situata duhet të merret seriozisht nga ana e Shteteve të Bashkuara dhe aleatëve të saj.
Rusia ka këmbëngulur se ajo dërgoi trupa në kufijtë e saj perëndimorë për stërvitje luftarake për shkak të “kërcënimeve” nga aleanca transatlantike NATO.
Rusia aneksoi Gadishullin e Krimesë të Ukrainës në mars të vitit 2014, duke dërguar trupa dhe duke organizuar një referendum që u shpall i paligjshëm nga të paktën 100 vende. /Albinfo.ch
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf