Merkel: Hebrenjtë dhe myslimanët janë pjesë e shoqërisë tonë ashtu si të krishterët dhe ateistët

Ajo këto komente i bëri pas debateve rreth protestave të dhunshme në Chemnitz, ku ekstremistët e djathtë u ndeshën me policinë, shkruan albinfo.ch.

Kancelarja gjermane Angela Merkel ka theksuar sot përpara Bundestagut, se “hebrenjtë dhe myslimanët janë pjesë e shoqërisë tonë ashtu si krishterët dhe ateistët”. Ajo këto komente i bëri pas debateve rreth protestave të dhunshme në Chemnitz, ku ekstremistët e djathtë u ndeshën me policinë, shkruan “Die Zeit”.

Për “demostratat që shkelin të drejtat njerëzore” nuk mund të ketë falje, tha shefja e CDU dhe qeverisë gjermane. Ajo gjithashtu kritikoi përdorimin e gjuhës së urrejtjes, sloganet naziste, si dhe armiqësinë ndaj personave të huaj. “Është e vërtetë se ka persona që keqpërdorin të drejtën e azilit, megjithatë, dhuna ndaj të huajve është më e pakta që mund të ndihmonte në zgjidhjen e këtij problemi.”

Në fund kancelarja gjermane përmendi edhe artikullin 1 të Kushtetutës gjermane: Dinjiteti i njeriut është i pacënueshëm.

---