Lajme

Mesazhet që dërgon federata nuk u arrijnë shumë të kthyerve nga pushimet

Asnjë njoftim nuk u është dërguar rreth tri të katërtave të numrave të telefonit celular zviceran pas hyrjes

Që nga fillimi i gushtit në Zvicër po zhvillohet një fushatë e nisur nga Zyra Federale e Shëndetit Publik (BAG) për paralajmërimin e pushuesve që të testohen pas kthimiat nga pushimet, shkruan srf.ch.

Udhëtarët që kthehen në Zvicër inkurajohen të testohen, përmes posterave, hapësirave reklamuese dixhitale dhe në internet, transmeton albinfo.ch. Konkretisht: Të gjithë ata që nuk janë vaksinuar ose nuk janë shëruar duhet të testohen.

Dërgimi i SMS-eve tek ata që hyjnë në Zvicër është gjithashtu pjesë e fushatës. Megjithatë, asnjë njoftim nuk u është dërguar rreth tri të katërtave të numrave të telefonit celular zviceran pas hyrjes.

Siç konfirmojnë për NZZ dy ofruesit e telekomunikacionit Swisscom dhe Salt, ata dërgojnë mesazhin BAG vetëm në numrat e huaj. Ata përmendin arsye teknike, si shqetësimin për mbrojtjen e të dhënave dhe mungesën e bazës ligjore për këtë.

Por, ndryshon qasja tek ofertuesi Sunrise / UPC. Numri 2 në tregun zviceran të telekomunikimt dërgon mesazhin po ashtu edhe tek numrat zviceranë.

E pyetur nga gazeta NZZ, Qeveria federale është përgjigjur se ofruesit e telekomit dërgimin e SMS-eve e bëjnë falas dhe vullnetarisht. Prandaj ne nuk mund të specifikojmë se kujt do t’i dërgohet komunikimi.