Futboll

Messi fiton Topin e 6-të të Artë në karrierë, hyn në histori!

Messi është lojtari që ka fituar më shumë Topa të Artë në karrierë.

Duket se lojtari i quajtur Lionel Messi është vetë historia e futbollit.

Është bërë e ditur se sulmuesi argjentinas i Barcelonës fitoi për herë të 6-të në karrierë Topin e Artë, trofe që iu dorëzua nga Luka Modric, fituesi i edicionit të kaluar, në mbrëmjen gala të organizuar nga France Football, transmeton albinfo.ch.

Në këtë mbrëmje Messi mposhti konkurrencën qendërmbrojtësit të Liverpoolit Virgil Van Dijk, por edhe të Cristiano Ronaldos dhe Sadio Mane që bënin pjesë në 4-shen e parë.

Messi la pas CR7-ën që ka 5 Topa të Artë dhe është lojtari që ka fituar më shumë Topa të Artë në karrierë.

Po ashtu, në fjalën e tij argjentinasi u shfaq shumë i lumtur për këtë trofe të fituar, ndërkohë që falënderoi edhe shokët e skuadrës te Barcelona që i kanë mundësuar të realizojë 45 gola në sezonin e fundit.

Van Dijk dhe Ronaldo kompletuan podiumin duke zbritur në vendin e 4-t senegalezin Sadio Mane. /Albinfo.ch.