Futboll

Messi tregon favoritët e tij për ta fituar Kupën e Botës

E hënë, 17 Tetor 2022 - 20:00 albinfo.ch

Keystone

Lionel Messi po e cilëson Anglinë si një nga favoritët për Kupën e Botës të këtij dimri në Katar.

Yylli i PSG -së do të udhëheqë Argjentinën drejt lavdisë së Kupës së Botës muajin e ardhshëm, me skuadrën aktualisht në një seri pa humbje prej 34 ndeshjesh, në atë që ka të ngjarë të jetë turneu i fundit ndërkombëtar i tij.

Messi beson se skuadra e Gareth Southgate, së bashku me Brazilin, Francën, Gjermaninë dhe Spanjën do të ofrojnë kërcënimet më të mëdha të turneut, megjithëse ai thotë se janë dy kombe që dallohen nga të tjerët.

Duke folur për RMC Sport, 35-vjeçari tha: “Sa u përket favoritëve, ka ekipe të mëdha, si Brazili, Gjermania, Franca, Anglia dhe Spanja”.

“Dhe jam i sigurt se po harroj disa”.

“Por, nëse më duhet të zgjedh një ose dy, sot mendoj se Brazili dhe Franca janë dy kandidatët e mëdhenj për këtë Botëror”, ka shtuar më tej ai.