Gjuha

Mësuesit koordinohen për manifestimet kushtuar “Vitit të Skënderbeut”

Takim i suksesshëm i LAPSH "N. Frashëri" në kantonin e Aargaut dhe përgatitjet me rastin e 550 vjetorit, vitit jubilar të Skenderbeut

Të dielen me 29.04.2018 në zyrën e LAPSH “N. Frashëri” të kantonin të Aargaut në Zvicër u mbajt një takim i frytshëm nën drejtimin e Kryetarit të LAPSH të këtij kantoni  Riza Demaj, në të cilin u debatua lidhur me përgaditjet që janë në vazhdim e sipër për manifestimet që do të mbahen  në fundvitin shkollor2017/18 (qershor) e që kanë të bëjnë me jubileun e vitit të shpallur si viti jubilar i shenuar me rastin e 550 vjetorit të vdekjes së Skenderbeut.

Në fillim të takimit Z. Demaj i njoftoj të pranishmit me përgaditjet e deritanishme për këtë manifestim dhe tregoi se për te dy evenimentet ka shumë të interesuar dhe mysafirë nga Zvicra e diaspora si dhe nga të gjitha Trojet shqiptare.

Në fillim ai i njoftoj të pranishmit se janë siguruar sallat për këto manifestime në Windisch ku do të mbahet Simpoziumi shkencor për Skenderbeun me 23.qershor 2018,  në të cilin pos kumtesave interesante të lajmëruara deri më tash, do të referojnë edhe historianë nga Kosova dhe Shqipëria si Historiani i famshëm nga Kosova Frashër Demaj e  profesori i nderuar Zymer Neziri si dhe  Pëllumb Xhufi nga Shqipëria etj.

Ndërsa të dielen me 24.qershor 2018 do të organizohet Manifetimi tradicional me nxënësit e shkollës shqipe nga ky kanton në sallën e Küttigenit, në të cilin programin e larmishëm kulturor e artistik do ta shfaqin nxënësit e dalluar të shkolles shqipe të kamtonit të Aargaut e cila për më tepër se 25 vite funksionon pa ndërprerje dhe me suksese të mira në këtë drejtim.

Mësimdhënësit e mbledhur në këtë takim së bashku me prindërit dhe një pjesë të donatorëve u zotuan se të dy evenimentet kulturore do të përgaditen mundësisht sa më mirë dhe në to do të mbizotërojë fryma e vitit jubilar të Skenderbeut që paraprakisht është shpallur nga autoritetet shqiptare dhe është përqafuar përgjithësisht nga faktori shqiptar në përgjithësi dhe në Diasporë në veçanti e cila sa u përket rrjedhave kombëtare është shumë e sensibilizuar.

Në takim ishin të pranishëm edhe Sebahate e Shefki Rushiti nga Kantoni i Cyrihut dhe mësimdhënësi  tash në pension H. Morina.

Në këtë takim kontributin e tyre lidhur me këtë organizim dhanë edhe mësimdhënësit  V. Sejdiu, F. Balaj, E. Gashi, H. Azemi,  E. Nuhiu, I. Ramadanaj Zyrafete Aliu etj.  si dhe Luljeta Fetahaj eElmije Luma e Shpend Limani   përfaqsues të këshillit të prindërve në Kantonin e Aargaut në rajonet ku mbahet mësimi plotsues i gjuhës shqipe.

Vlen të vlersohet lartë puna dhe aktiviteti i LAPSH ne kantonin Aargau i cili gjatë tërë këtij çerekshekulli ishte në ballë të organizimit të shkollës shqipe dhe njihet si kantoni shembull  në të cilin jo vetëm që asnjëherë nuk u ndërpre mësimi i gjuhës shqipe, por është nder kantonet prijëtare në Zvicër për këtë organizim dhe për manifestime kulturore  për festa të ndryshme duke lartësuar zërin në mbrojtje të përhershme të gjuhës shqipe te gjeneratat  ereja duke i dhënë jehonë ruajtjes dhe kultivimit të saj dhe përgjithësisht vlerave kulturore që u përcollën nga këto gjenerata dhe duke ngritur vetëdijenpër gjuhë e kulturë shqiptare.

Si krah i fortë në këtë aktivitet të pandalur ishte puna e palodhshme e Z. Riza Demaj, udhëheqës dhe veprimtar i palodhur,mësimdhënësve tashmë të dëshmuar shumica e tyre mësimdhënëse entusiaste dhe prindërve shumë të kujdesshëm dhe të vetëdijshëm që ruajtja e gjuhës për fëmijët e tyre ishte detyrë primare , pa lënë anash edhe donatorët që nuk kursyen asnjëherë për të dhënë mjetet për këtë organizim si Adem Osmani, Merita Pinta, Visar Muriqi dhe Bajram Mula.

Takimi u përmbyll dhe të gjithë morën detyrat e veta për ti kryer brenda kësaj periudhe deri në Qershor që ky Jubile madhështor për Skenderbeun të jetë vërtet i tillë edhe në organizim, pasi tërë krenaria e një kombi lidhet me këtë figurë madhështore e cila kalon përmasat kombëtare.