Bota
Mijëra fëmijë emigrantë, të abuzuar seksualisht
Raportohet se në SHBA mijëra fëmijë dhe të rinj emigrantë që mbahen të paraburgosur të ndarë nga familjet e tyre janë abuzuar seksualisht.
Portali i lajmeve Axios njoftoi se sipas dokumenteve të Departamentit Amerikan të Shëndetit dhe Shërbimeve Njerëzore (HHS), për të cilat ka deklaruar se i ka siguruar nga zyra e anëtarit të Kongresit, republikanit Ted Deutch, mësohet se në 4 vjetët e fundit janë ngacmuar seksualisht mijëra fëmijë emigrantë të paraburgosur, të cilët janë të pashoqëruar nga familjet e tyre.
Në dokumente theksohet se gjatë periudhës tetor 2014 – korrik 2018 në Zyrën për Vendosjen e Refugjatëve pjesë e HSS janë kryer 4 mijë e 556 ankesa, dhe 1 mijë e 300 të tjera në Departamentin Amerikan të Drejtësisë në lidhje me abuzimet seksuale.
Në ankesa janë shprehur akuza të tilla se në qendrat e paraburgimit, fëmijëve dhe të rinjve emigrantë u janë treguar video pornografike nga punonjësit e rritur të stafit si dhe janë detyruar që t’i prekin organet e tyre seksuale.
Kongresmeni Ted Deutch është shprehur se “Kjo sjellje është vërtet e neveritshme dhe e ulët. Kjo ngjarje është fillimi i pyetjeve që HHS duhet të përgjigjet se çfarë ka bërë pas këtyre pretendimeve dhe për atë çfarë po ndodh në këto qendra (ku mbahen fëmijët emigrantë)”.
Ndërsa zëdhënësja e HHS-së, Caitlin Oakley, në një deklaratë pas këtyre pretendimeve ka bërë të ditur se në zbatimin e programit për fëmijët e huaj të pashoqëruar, shqetësimi më i madh i tyre është siguria e të vegjëlve.
Të ngjashme
Të tjera nga Bota
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën