Ministri Matoshi nderohet me çmim ndërkombëtar

Ministri i Mjedisit dhe Planifikimit Hapësinor, Fatmir Matoshi, ka marrë një letër nga Fondacioni Let`s Do It World me seli në Tallinn të Estonisë si anëtar i  akredituar në Programin Mjedisor të Kombeve të Bashkuara (UNEP).

Ky fondacion, është si organizator i fushatës së pastrimit të tokës në 158 shtete me  mbi 17 milion pjesëmarrës.

Ata kanë ftuar edhe Ministrin e Mjedisit dhe Planifikimit Hapësinor, z. Fatmir Matosh, për të marrë pjesë si fitues i çmimit  në ceremoninë e ndarjes së çmimeve për këtë fushatë të pastrimit të  tokës, ceremoni kjo që  do të mbahet në Estoni nga data 24 deri më 27 janar 2019.

Në letrën dërguar ministrit, ky fondacion e  vlerëson Ministrin Matoshi si person që ka udhëhequr, organizuar dhe mbështetur aktivitetet e fushatës së pastrimit të Kosovës të datës 15 Shtator 2018 ku pjesëmarrës ishin mbi 195.000 Kosovarë, me çka Kosova është një ndër  shtetet më aktive në këtë fushatë botërore, shkruan albinfo.ch

Ministri Matoshi pas pranimit të kësaj shkrese ka falënderuar fondacionin për vlerësimin, këtë çmim ia ka atribuuar gjithë qytetarëve, shoqërisë civile dhe vizionit të shtetit tonë për një mjedis të pastër.