Lajme
Ministri Maurer zmbraps kritikët: “Shumica e viktimave, mbi 80-vjeçarë”
Ai ka theksuar se vetëm 31 veta nga të vdekurit e kohëve të fundit kanë qenë rreth moshës pesëdhjetë vjeçare
Ministri i Financave, Ueli Maurer, qëndron prapa qasjes relativisht liberale të Zvicrës ndaj koronavirusit. Nuk dihet nëse do të mund të parandaloheshin shumë vdekje në rast të një ndërhyrjeje më të fortë e qeverisë.
Zvicra aktualisht ka një shkallë të lartë të vdekshmërisë së të sëmurëve me Covid19 krahasuar me vendet e tjera. Sipas këshilltarit federal, Ueli Maurer, nuk është e qartë nëse ndërhyrja e hershme nga Këshilli Federal në fillim të valës së dytë mund ta kishte parandaluar këtë.
“Ne nuk e dimë”, ka thënë Maurer të shtunën në një intervistë për Radio SRF, transmeton albinfo.ch. “Ne kemi barazpeshuar interesat e shëndetit, ekonomisë dhe jetës publike”.
Ndaj kësaj strategjie ka pasur kohët e fundit gjithnjë e më shumë kritika nga pala ndërkombëtare. Në një intervistë me gazetat CH Media, për shembull, i dërguari special i Organizatës Botërore të Shëndetësisë për koronavirusin, David Nabarro, ka thënë se situata në Zvicër është jashtëzakonisht e rëndë.
Ai është shprehur i befasuar se si numri i rasteve në Zvicër, ndër më të lartit në Evropë, nuk është parë nga qeveria si një emergjencë kombëtare.
Por ministri federal, Maurer, hedh poshtë pretendimet se Zvicra kishte mbivlerësuar interesat ekonomike. “Kjo për mua është rruga e duhur”, ka thënë Maurer për Radio SRF.
Ai me këtë rast është marrë me faktin se rreth 1000 njerëz kanë vdekur nga koronavirusi në 14 ditët e fundit. “Shumica e tyre janë mbi 80 vjeç”, ka thënë Maurer, përcjell albinfo.ch. Ai ka theksuar se vetëm 31 veta nga të vdekurit e kohëve të fundit kanë qenë rreth moshës pesëdhjetëvjeçare.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?