Lajme
Mira Murati me startupin e saj të ri në fushën e inteligjencës artificiale
Murati ka rekrutuar deri tani rreth 10 studiues dhe inxhinierë nga kompani të njohura si OpenAI, Character AI dhe Google DeepMind

Bëhet e ditur se Mira Murati, ka filluar të ndërtojë ekipin për startupin e saj të ri në fushën e inteligjencës artificiale, duke rekrutuar një numër inxhinierësh dhe studiuesish nga kompani të mëdha si OpenAI, Character AI dhe Google DeepMind, transmeton Albinfo.ch.
Një nga emrat më të spikatur që i është bashkuar iniciativës së saj është Jonathan Lachman, ish-drejtuesi i projekteve speciale në OpenAI.
Startup-i i Muratit është ende në fazat e para dhe ende nuk ka një emër apo një drejtim të qartë produkti.
Murati po përpiqet të sigurojë mbi 100 milionë dollarë financim për startup-in e saj, megjithëse kjo shumë ende nuk është finalizuar.
Murati u largua nga OpenAI në shtator 2024, gati një vit pasi kishte marrë përkohësisht rolin e CEO-së pas shkarkimit të papritur të Sam Altman nga bordi i kompanisë. Pas një periudhe kaosi të brendshëm, Altman u rikthye në postin e tij brenda një jave, ndërsa Murati vazhdoi të mbante rolin e saj si CTO derisa vendosi të largohej për të ndjekur ambiciet e saj personale.
Ky zhvillim ndodh në një kohë kur disa ish-drejtues të OpenAI kanë nisur startup-e të reja, duke përfshirë edhe Ilya Sutskever, bashkëthemeluesin dhe ish-shefin shkencor të OpenAI, i cili krijoi kompaninë Safe Superintelligence dhe siguroi një financim prej 1 miliard dollarësh. Një tjetër konkurrent i madh, Anthropic, gjithashtu u themelua nga ish-punonjës të OpenAI dhe ka siguruar miliarda dollarë investime, përfshirë 8 miliardë nga Amazon.
Lëvizjet e fundit tregojnë një transformim të madh në peizazhin e inteligjencës artificiale, ku ish-pjesëtarët e OpenAI po krijojnë kompani të reja dhe po tërheqin investime të mëdha për zhvillimin e gjeneratës së ardhshme të teknologjisë së AI.
Të tjera nga Lajme
E-Diaspora
-
Shqipëri: A do të lejohet diaspora të votojë me dokumente të vendeve tjera në zgjedhje? Kryetari i grupit parlamentar të Partisë Socialiste, Niko Peleshi deklaroi në Kuvend se ndryshimet në Kodin...
-
Rritje e gjuhëve të huaja në Zvicër: Shqipja, pas anglishtes
-
17 Vjet Pavarësi: Diaspora, drita e ditëve të errëta të Kosovës e forca e çlirimit të saj
-
17 vjetori i 17 Shkurtit, temë bosht e numrit të ri të revistës albinfo.ch
-
Hobi i veçantë i Egzonit që po mirëpritet në rrjetet sociale
Jeta në Zvicër
-
Numri i kërkesave për azil në Zvicër ka rënë me më shumë se tetë për qind në vitin 2024 Gjithsej 27.740 kërkesa për azil janë paraqitur në Zvicër në vitin 2024. Kjo është një rënie...
-
Mjekët zviceranë të transplantit e mbajnë zemrën gjallë për një kohë rekord
-
Rritje e gjuhëve të huaja në Zvicër: Shqipja, pas anglishtes
-
60 vjeçarit amerikan i ndalohet kthimi në Zvicër pas tejkalimit të vizës
-
Vendimi lidhur me osteopatët që operojnë me diploma të huaja në Zvicër