Gruaja
Monique Schwitter fiton çmimin letrar të Zvicrës
Kosovarja Meral Kureysh ka ndarë çmimin e përbashkët, të dytë, me tre autorët tjerë të nominuar të rrethit të ngushtë
Është ndarë të dielën çmimi vjetor zviceran për librin. Ky çmim, më i larti që jepet në Zvicër për letërsi, i është ndarë autores Monique Schwitter për romanin e saj “Eins im Andern”.
Ndarja e çmimit, që lidhet me një shumë prej 30 mijë frangash, është bërë në një solemnitet në kuadrin e Fesivalit të Librit në Bazel (Buchbasel).
Ky roman, sipas jurisë është një “biografi dashurie, përplot me humor dhe që të bën të mendosh. Përkundër faktit se ka një strukturë të ngurtë – rrëfimtarja bën radhitjen e dashurive të ndryshme të jetës së saj sipas 12 apostujve – romani nuk del i sforcuar”.
Monique Schwitter është e lindur në Cyrih në vitin 1972 dhe prej vitesh jeton në Hamburg, Gjermani. Deri në viin 2010 ka punuar si aktore ndërsa më vonë është përcaktuar për letërsi. Romani saj fitues është i pesti i shkruar nga ajo.
Schwitter ishte nominuar dhe kishte hyrë në listën e ngushtë edhe në garën për çmimin letrar të sivjetëm të Gjermanisë dhe në atë të Austrisë por nuk kishte fituar.
Gara për çmimin e parë të Zvicrës për letërsi ka qenë e fortë, ka deklaruar kryetarja e jurisë, Corina Carduff. Në listën e ngushtë për çmim kanë qenë edhe romani “Elefanten im Garten” i Meral Kureysh (kosovare me gjuhë amtare turqishten), “Verbeugung vor Spiegeln” i Martin R. Dean, “Das primäre Gefühl der Schuldlosigkeit” i Dana Grigorcea dhe “Wie wir älter werden” i Ruth Schweikert.
Nominimi i kosovares Meral Kureysh për çmimin më të lartë letrar të vendit ka qenë një befasi për opinionin e këtushëm letrar për faktin se romani i saj është vepra e parë letrare që ka botuar autorja deri tash. Në një intervistë ekskluzive që ka dhënë për albinfo.ch Kureysh ka thënë se nuk e priste dhe madje as nuk e dëshironte çmimin për të cilin ishte nominuar. Është ende herët për një çmim të tillë, ka thënë veç tjerash ajo.
Të katër autorët e zgjedhjes së ngushtë kanë fituar çmimin e dytë, në vlerë prej 2500 frangash.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse