Mrekullia e fshatit shqiptar

E përditshmja e njohur britanike “The Guardian” që ka shpërndarë në llogarinë e saj në “Instagram” një foto të bukur nga malet e Shqipërisë të mbuluar me borë

Bora që ka rënë ditët e fundit në Shqipëri ka bërë bujë jo vetëm në mediat vendore, por edhe ato ndërkombëtare. Është e përditshmja e njohur britanike “The Guardian” që ka shpërndarë në llogarinë e saj në “Instagram” një foto të bukur nga malet e Shqipërisë të mbuluar me borë, shkruan albinfo.ch.

Në pamjen e publikuar nga e përditshmja britanike, duket fshati Tërnovë në Bulqizë i mbuluar plotësisht nga bora.

“The Guardian” e ka cilësuar si një foto tepër të bukur, madje shkruar se ky vend është 80 milje larg nga kryeqyteti i Shqipërisë, Tirana. Foto është shkrepur nga fotografi shqiptar Hektor Pustina.

Bora ka mbuluar jo vetëm malet, por edhe qytetet shqiptare, duke përfshirë këtu kryeqytetin Tiranën, por edhe qytetet bregdetare, që janë mbuluar me të bardhë, kurse kjo nuk ndodhte prej dekadash.