Kosova

Mustafa: Po punojmë për kushte më të mira për bizneset nga diaspora

Kryeministri Mustafa falënderoi përfaqësuesit e bizneseve nga diaspora për gatishmërinë e tyre për të investuar në Kosovë, duke kërkuar nga ta që të shtojnë investimet edhe në të ardhmen

Kryeministri në detyrë, Isa Mustafa ka pritur në një takim kryetarin e Rrjetit të bizneseve të diasporës në Austri, Yll Blaka.

Me këtë rast ai ka shprehur përkushtimin e Qeverisë për të krijuar kushte sa më të favorshme për afarizëm për bizneset, me theks të posaçëm për bashkatdhetarët tanë që merren me biznes në diasporë, transmeton albinfo.ch.

Në njoftimin për media të zyrës së kryeministri thuhet se Mustafa i njoftoi për punën që ka bërë ekzekutivi në përgatitjen e Pakos Fiskale 2, e cila do të avanconte edhe më shumë ambientin e të bërit biznes në Kosovë, pas suksesit që është arritur me Pakon Fiskale 1.

Kryeministri Mustafa falënderoi përfaqësuesit e bizneseve nga diaspora për gatishmërinë e tyre për të investuar në Kosovë, duke kërkuar nga ta që të shtojnë investimet edhe në të ardhmen.

Kryetari i Rrjetit të bizneseve të diasporës në Austri, Ylli Blakaj, falënderoi kryeministrin Mustafa për pritjen si dhe për mbështetjen e dhënë për bizneset e diasporës, duke e njoftuar edhe për plane konkrete që lidhen me investime në të ardhmen.