Shqipëria

Muzeu arkeologjik i Durrësit u vizitua nga 30 mijë turistë

Rreth 30 mijë persona kanë vizituar gjatë tetë muajve të parë të vitit muzeun arkeologjik dhe amfiteatrin antik në Qytetin e Durrësit.

Drejtori i Drejtorisë Rajonale të Kulturës Kombëtare, Patriot Beqaraj, ka thënë se deri në fund të vitit pritet dyfishim i numrit të vizitorëve.

Ai ka thënë se sipas të dhënave i bie që ka pasur rritje të turistëve prej 37 për qind më shumë krahasuar me vitin e kaluar.

“Për 2018 jemi para faktit që Muzeun dhe amfitetarin e kanë vizituar 30 mijë vizitore. Pritshmëritë tona janë që deri në fund të vitit ta dyfishojmë numrin e vizitorëve. Vizitorët më të shumtë janë të huaj që mbërrijnë në Shqipëri për pushime”, ka thënë ai.

Muzeu Arkeologjik i Durrësit ka në fondin e tij rreth 3200 objekte të periudhave të ndryshme që gjithmonë tërheqin interesim nga turistët.