Lajme

Ndryshon gjendja, Italia me numrin më të madh të rasteve të reja me COVID-19 që nga marsi

E martë, 13 Tetor 2020 - 20:30 albinfo.ch
Keystone EPA/MAURIZIO BRAMBATTI BT

Italia ka regjistruar shifrën më të lartë të rasteve të reja me koronavirus brenda 24 orëshi që nga marsi.

Në Itali të martën janë regjistruar 5901 raste të reja, pikërisht në ditën kur kryeministri i Italisë, Giuseppe Conte, ka vendosur kufizime të reja si në tubime, restorante, sporte e aktivitete në shkollë.

“Ne duhet të parandalojmë që vendi të futet në mbyllje totale. Ekonomia ka filluar të lëviz shpejt”, ka thënë Conte.

Po ashtu dasmat dhe ceremonitë tjera mund të kenë maksimalisht 30 persona. Po ashtu është këshilluar që maska të mbahet edhe në shtëpi kur janë prezent anëtarë që nuk janë pjesë e familjes.

Shifrat me koronavirus në Itali po vazhdojnë të rritet, e Conte thotë se është si pasojë e tubimeve familjare e shoqërore.

Janë regjistruar 41 të vdekur nga COVID-19 në Itali të martën, që nënkupton edhe shifra e të vdekurve po rritet. Por është më e ulët se mbi 900 të vdekur në ditë sa regjistroheshin nga fundi i marsit apo fillimi i prillit.

 Të ngjashme

Valdrin Gashi, një kosovar në skenat italiane të operës

 Të tjera nga Lajme

Kaos në kufijtë e Maqedonisë së Veriut: pritje deri në 6 orë pas sistemit të ri EES

 E-Diaspora

 Jeta në Zvicër