Lajme

Në Austri për herë të parë më shumë të shëruar se të infektuar për 24 orë

Një total prej 2507 njerëzish janë shëruar nga koronavirusi ose 485 më shumë se një ditë më parë

Sot në Austri, për herë të parë ka ndodhur që numri i personave që janë shëruar nga sëmundja e mushkërive Covid-19 të rritet më shpejt se sa numri i infeksioneve të reja të konfirmuara me koronavirus brenda 24 orëve, shkruajnë mediat austriake.

Ndërsa Ministria Austriake e Shëndetësisë ka konfirmuar për Agjencinë Gjermane të Shtypit (DPA) të shtunën, se kanë qenë  11.525 raste të konfirmuara të infeksionit Sars-CoV-2 në Austri në mëngjesin e kësaj dite. Ky numër është për  354 raste më shumë se një ditë më parë, transmeton albinfo.ch. Ndërkaq, një total prej 2507 njerëzish janë shëruar nga koronavirusi ose 485 më shumë se një ditë më parë.

Sipas autoriteteve, kjo e dhënë konfirmon edhe trendin pozitiv në luftën kundër koronavirusit në Austri. Në ditët e kaluara, niveli ditor i rritjes së numrit të  infeksioneve të konfirmuara kishte rënë ndjeshëm dhe së fundmi ishte më pak se pesë për qind, përcjell albinfo.ch.

Megjithatë ministri i Shëndetësisë Rudolf Anschober ka paralajmëruar popullatën nga gëzimi i parakohshëm. Qëllimet nuk janë arritur akoma, ka thënë ai